БИШКЕК, 25-дек. — Sputnik. Казакстандын аймагындагы Алматы – Хоргос жолунда жыйырмага чукул ар кыл автоунаа бири-бирин сүзүп, кырсыктаган. Бул тууралуу Sputnik Казакстан жазды.
Окуя бүгүн эртең мененки саат 10:00дөр чамасында коюу туман каптап турганда Алматы – Хоргос трассасында болуп, алгач 17 автоунаа бирин-бири сүзгөн.
Жол кырсыктан беш киши жаракат алып, Шелек айылдык ооруканасына жеткирилген. Окуя болгон жерге барган кайгуул кызматы иштеп, жолдун бир бөлүгү жабылган. Айдоочулардын айтымында, жол тайгак.
Полиция жолго чыккандарды абайлап жүрүүгө жана аралыкты сактап, шашпай айдоого чакырды.