Кыргызстанда Мелис Эшимкановду ээрчигендей сөз эч кимди ээрчибесе керек. Бирөө жан-алы калбай мактап-жактап, чын жүрөгүнөн алкап жатса, ошол эле маалда жеберине жеткире сын айтып, жек көргөндөр болду. Сүйлөсө арбап, сөзү ширин угулуп, урушса сөзү чучукка жетер эле.
Кандай болгон күндө да Мелис Эшимкановдун ысымы адегенде кыргыз журналистикасында, коомдук турмушта, саясатында баш тамгалар менен жазылчу ысым экени талашсыз.
Туулган күнүн утурлай жубайы Асел айым маек куруп, Мелис аганы дагы бир ирет жоктодук.