Ооруну басат. Аялдын ден соолугуна өтө керектүү азык аталды

Түрп аялдардын гормоналдык фонун жакшыртып, айыз келип жаткан маалда ооруткан жерлерди басары айтылды. Бирок боюнда барларга тескерисинче зыянын тийгизет.
Sputnik
БИШКЕК, 7-дек. — Sputnik. Түрп адамдын организмине эң пайдалуу азык, бөтөнчө аялдар жеши керек. Бул тууралуу РИА Новостиге нутрициолог Анна Дробышева айтып берди.
"Түрп — дарылай турчу жашылча. Ал антибактериялык касиетке ээ, ошондуктан оору күчөп жаткан маалда жеш керек. Түрп аялдардын гормоналдык фонун жакшыртып, айыз келип жаткан маалда ооруткан жерлерди басып, терини картайтпайт", — деди адис.
Дробышева түрп эркектин да ден соолугуна жакшы таасир этип, тестостерондун деңгээлин жогорулатып, простатанын оорусун басарын айтты.
Диетолог күн сайын эки литр суу ичиш керек деген көндүм пикирди четке какты
"Түрптү зайтун майы жана лимондун ширеси менен аралашкан салатка кошуп жесе болот. Ошондой эле эт тамактарына да кошсо жакшы", — деди ал.
Нутрициолог тамак сиңирүү системасында көйгөйү барлар, бөйрөгү жабыркагандар, муун ооругандарга түрптү жебей эле коюуну сунуштаган. Ошондой эле боюнда барларга болбойт, анткени анын курамындагы эфир майлар жатынды жыйрылтып, толгоону чакырат.