Sputnik Кыргызстан агенттиги аталган партиядан эл өкүлү болуп келе тургандардын мал-мүлкүн тизмектейт.
Юстиция министрлигинин порталындагы маалыматтарга ылайык, партиянын лидери Нуржигит Кадырбековго "Регионалдык саясат институту", "Дидар" коомдук фонду катталган.
Баткен облусунун мурдагы губернатору Султанбай Айжигитов азыр "Акниет кыймылы" коомдук бирикмесин жана "Авиапредприятие-Баткен" мамлекеттик ишканасын жетектеп келет.
Замирбек Мамасадыков эч бир фирма, компанияга ээлик кылбайт.
Ашимова Динара Ашимовна "Укуктук колдоо борбору" жоопкерчилиги чектелген коомунун, КРдин улуттук ат эрөөлдөрү боюнча федерациясынын жана "Иш-аракет" саясий партиясынын негиздөөчүлөрүнүн бири.
Ал эми Винера Раимбачаева "Аманат" саясий партиясын негиздегендердин катарында.