БИШКЕК, 26-июн. — Sputnik. Россияда "Спутник Лайт" вакцинасынын биринчи сериясы жарандык жүгүртүүгө чыкканын РИА Новости саламаттык сактоо министри Михаил Мурашкого шилтеме берип жазды.
"Кечээ көзөмөл этабы аяктады, "Спутник Лайт" вакцинасынын биринчи сериясы өндүрүштөн жарандык колдонууга чыкты", — деген Мурашко.
Ал "Спутник Лайт" ооруп айыккандарды вакцинациялоого жана ревакцинация үчүн колдонуу пландалып жатканын кошумчалады.
"Июндун этегине чейин вакцинанын 2,5 миллион дозасы жарандык жүгүртүүгө чыгат, өндүрүмдүн көлөмү мындан да жогорулатылат", — деди Мурашко.
Учурда Россияда "Спутник V", "ЭпиВакКорона" жана "Вектор" вакциналары колдонулуп келет.