БИШКЕК, 24-май — Sputnik. Авокадо көптөгөн пайдалуу касиеттерге ээ, анын ичинде ичеги-карындын иштешине жакшы жардам берет. Бул тууралуу РИА Новости адистерге таянып жазды.
Витаминдерге жана минералдарга, айрыкча, калийге бай авокадо иммундук системаны чыңдап, сезгенүүлөр менен артрит оорусун алдын алат.
Мындан тышкары, анын курамындагы антиоксиданттар жашартып, арыктатат. Ошондой эле курамындагы клетчаткалар тамак сиңирүү системасынын иштешин, зат алмашууну жакшыртып, гормоналдык фонго оң таасир берет.
Авокадонун дагы бир белгилей кетүүчү касиети — андагы пайдалуу майлар, калориясынын жогору болгону менен зыяны аз, жадагалса кант диабети менен жабыркагандар колдонот. Бул азык тамактын сиңишине өбөлгө түзүп, азыктардын даамын сездиртет.
Андан сырткары, авокадодогу фолий серотониндин деңгээлин көтөрүп, терс эмоция менен күрөшүүгө жардам берет.