БИШКЕК, 5-фев. — Sputnik. Айжан Садыркулова Эсеп палатасынын жетекчисинин милдетин аткарат. Бул тууралуу президенттин маалымат кызматынан билдиришти.
Айжан Садыркулова
© Фото / пресс-служба счетной палаты КР
Кызматка дайындоо боюнча жарлыкка президент Садыр Жапаров кол койду.
Садыркулова Эсеп палатасындагы аудитордук ыйгарым укуктары аяктаганга чейин жетекчинин милдетин аткарат. Ал 2016-жылдын апрель айында беш жылдык мөөнөткө аудитор болуп дайындалган.
Айжан Садыркулова - 2009-жылы киши колдуу болгон Медет Садыркуловдун кызы. Атасы президенттин администрациясынын жетекчиси болгон.
Эсеп палатасынын төрагалык кызматы Улукбек Марипов премьер-министр болуп кеткенден кийин бош турган.