БИШКЕК, 30-янв. — Sputnik. ТҮРКСОЙ эл аралык түрк маданияты уюму Кыргызстандагы бир катар мааракелик иш-чараларды өткөрүүгө көмөктөшөт. Бул тууралуу Маданият, маалымат жана туризм министрлиги билдирди.
Министрдин милдетин аткаруучу Нуржигит Кадырбеков уюмдун башкы катчысы Дюсен Касеиновду кабыл алган.
Тараптар Кыргызстанда бир катар иш-чараларды өткөрүүнүн планын талкуулашкан.
"Опера ырчысы Болот Миңжылкыевдин 80 жылдыгы, композитор Рыспай Абдыкадыровдун 80 жылдыгы, кинорежиссёр Болот Шамшиевдин 80 жылдыгы, жазуучу, котормочу Мукагали Макатаевдин 90 жылдыгы сыяктуу мааракелик иш-чараларга маани берилди", — деп айтылат маалыматта.
Өз кезегинде Кадырбеков театрлардын иш-чараларды өткөрүүгө толук даяр экендигин кошумчалаган.
Ошондой эле министр мындан аркы жемиштүү кызматташууга ишенимин билдирген.