"Манас" эпосунун 1000 жылдыгын белгилөө демилгесин Улуттук илимдер академиясынын окумуштуулары көтөрүп чыгып, аны ошол кездеги президент Аскар Акаев колдоого алган. Алгачкы даярдыктар 1992-жылы башталып, атайын мамлекеттик дирекция түзүлүп, аракеттер үч жылга созулган. Уюштуруу иштеринин башында кыргыз интеллигенциясынын өкүлдөрү туруп, маараке өткөн жылды (1995-жыл) өлкө башчысы "Манас" эпосунун жылы деп жарыялаган. Аны Бириккен Улуттар Уюму, ЮНЕСКО өңдүү бир катар эл аралык уюмдар колдоого алган.
Салтанат беш күнгө уланып Казакстан, Өзбекстан, Түркмөнстан, Түркия, Азербайжандын башчылары, 80ге жакын мамлекеттин расмий өкүлдөрү келген. Программада спорттук оюндар, бир топ маданий иш-чара, көргөзмөлөр болуп, кыргыз эли чет элдиктерге меймандостугун көргөзгөн.
Карап эле турсаң!.. Бирде бар, бирде жок болгон Көл-Суунун укмуш сүрөттөрү
Ошондой эле Бишкек шаарында "Манас айылы" маданий-этнографиялык комплекси, Талас облусунда "Манас-Ордо" тарыхый-маданий жайы курулган.
Карапайым эл Талас облусундагы "Манас" айылына миңден ашык ак боз үй тигип, сегиз, он эки канат жана үч кабаттуу боз үйлөр көпчүлүктүн назарына сунушталган. 30-августтагы иш-чараны жыйынтыктоочу бөлүгүнө миңдеген маданият кызматкерлери катышып, ага оң миңдеген көрүүчү күбө болгон.
Улуттук эпостун 1000 жылдыгын өткөрүүдөгү кызыктуу фактыларды Sputnik Кыргызстан агенттигинин материалынан окуңуздар.