БИШКЕК, 3-авг. — Sputnik. Милиция тарабынан изделип жаткан Жалал-Абад облусунун 15 жана 16 жаштагы тургундары, эже-сиңдилер табылды. Бул тууралуу облустук ИИБдин маалымат кызматы кабарлады.
Эске салсак, бир туугандар 18-июль күнү Кочкор-Ата шаарынан үйгө барабыз деп чыккан бойдон дайынсыз болуп жаткан.
Издөө иштеринин натыйжасында өспүрүм кыздарды милиция Баткен облусунун Кызыл-Кыя шаарынан тапкан. Андан кийин Ноокен районуна алып келип, апасына өткөрүп беришкен.
Ош шаарында жоголгон кыз 25 күндөн кийин Бишкектен табылды
Милициянын билдиришинче, кыздар сурак учурунда Кызыл-Кыядагы тааныштарына кетип калгандыгын билдиришкен.