БИШКЕК, 24-июн. — Sputnik. Бишкекке Корея менен Вьетнамдан 42 мекендеш учуп келди. Бул тууралуу Республикалык штабдан кабарлашты.
Маалыматка ылайык, кыргызстандыктар 24-июнда T-way авиакомпаниясынын Сеул — Бишкек — Сеул чартердик каттамы менен алып келинген.
"Бул каттам КР жарандарын Корея, Япония, Вьетнам өлкөлөрүнөн чыгарып кетүү үчүн Корея тарап менен макулдашуунун жыйынтыгында уюштурулган", — деп айтылат маалыматта.
Мекенге келген кыргызстандыктар медициналык кароодон өтүш үчүн обсервацияга жайгаштырылганы белгилүү болду.