БИШКЕК, 25-май — Sputnik. Бишкек шаарында сейил бактар менен бульварлар ачылат. Бул тууралуу мэриянын маалымат кызматы билдирди.
"Шаардык парктар" муниципалдык ишканасынын жетекчиси Калича Умуралиевага жарандардын коопсуздугу үчүн санитардык нормалар менен эрежелердин сакталышын камсыз кылуу тапшырмасы берилгени кабарланды.
Мэрия шаар тургундарын этият болууга жана аралыкты сактоого чакырды. Белгилей кетсек, буга чейин өлкөдөгү эпидемиологиялык абалга байланыштуу сейил бактарда эс алууга тыюу салынган болчу.
Кыргызстандагы COVID-19
Кыргызстанда коронавирус жуктургандардын жалпы саны 1433 болуп, 992 бейтап айыкты. Тилекке каршы, COVID-19 он алты кишинин өмүрүн алган.
Өлкөдөгү абал тууралуу Sputnik Кыргызстан тексттик баяндама жүргүзүүдө.
Кабарларды ыкчам, ыңгайлуу шартта окуу үчүн Telegram каналыбызга баш багыңыз.