БИШКЕК, 24-мар. — Sputnik. Эртең, 25-марттан баштап бардык ички авиакаттамдар убактылуу токтотулат. Бул тууралуу Республикалык штаб билдирди.
Мындай чечим коронавируска байланыштуу 25-марттан тарта республиканын кээ бир район, шаарларында киргизиле турчу өзгөчө абалга байланыштуу кабыл алынган.
Биринчи вице-премьер Кубатбек Боронов белгилегендей, өлкө ичинде Республикалык штабдын макулдугу менен атайын авиакаттамдар гана уча алышат.
Айта кетсек, ички каттамдар Бишкектен Ош, Баткен жана Жалал-Абад шаарларына жана кайра ошол шаарлардан бери жүргүзүлчү.
Кыргызстанда жарыялана турган өзгөчө абал жана өлкөдөгү учурдагы кырдаал боюнча толук маалыматты Sputnik Кыргызстан агенттигинин тексттик трансляциясынан окуп туруңуздар.