Синьхуа агенттигинин маалыматына караганда, окуя дүйшөмбү күнү саат 17.30дар чамасында Кызыл чырым уюмунун ооруканасынын жанындагы аялдамада болгон.
Окуя видеокамерага түшүп калган. Кадрдан аялдамада токтоп турган автобуска эл түшүп жаткан кезде жер жарылып кеткенин көрүүгө болот. Азырынча транспорттун ичинде канча адам болгону белгисиз.
Жергиликтүү бийликтин маалыматына караганда, алты киши каза таап, дагы 10 адам дайынсыз болууда. Ооруканага түрдүү жаракат менен 15 адам түштү.
Куткаруу иштери уланып жатат. Жердин оюлуп кетишине эмне себеп болгону такталууда.