БИШКЕК, 6-янв. — Sputnik. Шейшемби күнү күндүз айрым аймактарда кар жаайт. Жолдор тайгак жана тоңголок болуп, кар күрткүсү күтүлөт. Бул тууралуу Кыргызгидромет маалымдады.
Маалыматка ылайык, батыштан соккон шамалдын ылдамдыгы секундасына 4-9 метрден Ысык-Көл акваториясында 15-20 метрге жетет.
Абанын температурасы Чүйдө 0...+5, Талас, Ысык-Көл аймактарында -1…+4, Ош, Баткен, Жалал-Абад облустарында +1…+6 градус жылуу, Нарын жергесинде күндүн табы -6...-11 градуска төмөндөйт.
Бишкек, Ош шаарларында мезгил-мезгили менен кар жаайт. Термометрдин көрсөткүчү +3...+5 градуска көтөрүлөт.