11 жаштагы Альбина Орозакунова спорттун стекинг түрү менен алектенет. Ал ушундай өзгөчө өнөрү менен көпчүлүктү таң калтырды. Стекингдин эрежеси боюнча атайын жасалган стакандардан пирамида куруп, кайра жыйнайт. Муну болушунча тездик менен жасоо шарт.
Альбина алгач өзү көрсөтүп берип, андан соң Галкинден да кайталоосун өтүнгөн. Бирок ал кыргызстандык кыздай тез чогулта албай койду.
Буга чейин "Лучше всех" шоусуна кыргызстандык шахматчы Султай Чыңгыз, Нурмухамед Ташмаматов жана эгиз кыз Айпери менен Нурпери Тургуналиевалар, жаныбарлар дүйнөсүнө кызыккан Албанали Алым уулу, Ван Даммдын трюктарын жасаган Мухаммед Али Хасанакунов катышып келген.