БИШКЕК, 14-ноя. — Sputnik. Кыргызстандын Стамбул шаарындагы мурдагы башкы консулу Эркин Сопоковдун ишмердигин ведомстволор аралык комиссия Түркияга барып текшерет. Бул тууралуу Тышкы иштер министрлигинин маалымат кызматы билдирди.
Ага ылайык, ведомстволор аралык комиссиянын курамына Башкы прокуратуранын, Улуттук коопсуздук мамлекеттик комитетинин жана Тышкы иштер министрлигинин өкүлдөрү кирди.
Белгилей кетсек, Эркин Сопоковго таандык Range Rover үлгүсүндөгү автоунаа ишкер Айэркен Саймаити өлтүрүлгөн аймактан алыс эмес жерден табылган. Ал мамлекет башчынын Жарлыгы менен кызматтык эрежелерди бузду деген негиз менен иштен алынган.