Жээнбеков: улгайгандарды 1-октябрда эле эстебей, ар дайым ардактайлы

БИШКЕК, 1-окт. — Sputnik. Президент Сооронбай Жээнбеков улгайгандар күнү менен карыларды куттуктап, алар үчүн татыктуу жашоо шартын түзүү азыркы муундун милдети экендигин айткан. Бул туурасында мамлекет башчынын маалымат кызматынан кабарлашты.

Эске салсак, дүйнө боюнча 1-октябрь — Улгайгандардын эл аралык күнү деп белгиленип келет.

"Урматтуу мекендештерим! Кадырман карыялар! Сиздерди карылардын эл аралык күнү менен чын жүрөктөн куттуктайм! Улгайган жарандар үчүн татыктуу жашоо шартын түзүү — азыркы муундун милдети", — деп айтылган куттуктоодо.

Президент улгайгандарды бир эле күндө эстеп койбой, ар дайым көңүл буруу керектигин айткан.

Кыргызстандын кайсы жеринде кеч үйлөнүп, турмушка эрте чыгат. Статистика

21 Аяк оона 2019, 16:12

"Карыларыбызга болгон камкордук аркылуу мамлекеттик саясаттын натыйжалуулугу жана коомдун моралдык деңгээли бааланат. Андыктан баарыбыздын алдыбызда чоң жоопкерчилик, ишке ашырыла турган максаттар турат. Карыларды 1-октябрь күнү эле эстебей, ар дайым татыктуу көңүл буруп, ардактап, баалап-барктап, сыйлап жүрөлү", — деди президент.

Статком жакында эле Кыргызстандын калкы акырындап улгаюу босогосуна жакындап бара жаткандыгын билдирген. 2019-жылдын башында 65 жаштагылар жана андан улуулар 301 миңдей адамды же кыргызстандыктардын 4,7 пайызын түзүп турган.

Кызыктуу жана маанилүү жаңылыктарды алгачкылардан болуп билгиңиз келеби?
Биздин Telegram-каналга жазылыңыз.