БИШКЕК, 9-сен. — Sputnik. Өзгөчө кырдаалдар министрлигинин өрт өчүрүүчүлөрү жана куткаруучулары дүйнө чемпионатына катышууда. Бул тууралуу аталган министрликтин маалымат кызматы кабарлады.
Аталган чемпионаттын программасында төрт иш-чара камтылган: эркектер арасындагы XV дүйнө чемпионаты, аялдар арасындагы VI дүйнө чемпионаты, жаштар арасындагы IX дүйнө чемпионаты жана өрт-куткаруу спорт боюнча кыздар жана жигиттер арасындагы V дүйнө чемпионаты.
Мелдешке 26 өлкөдөн 800дөн ашуун спортчулар менен делегаттар катышат.
Чемпионаттын башкы максаты — өрт өчүрүү-куткаруу спортун өнүктүрүү жана пропагандалоо, жаңы чыккан өрт өчүрүүчү техника жана шаймандар менен тааныштыруу, ошондой эле өзгөчө кырдаалдар кызматтарынын мамлекеттер аралык достук байланышын чыңдоо.