БИШКЕК, 28-авг. — Sputnik. Уулуна топурак салуу үчүн барган Садыр Жапаров Чүйдүн Аламүдүн районундагы Молдовановка айылындагы колонияга бүгүн, 28-августта, кечинде кайтып келет. Бул тууралуу анын жактоочусу Шарабидин Токтосунов Sputnik агенттигине билдирди.
Жапаровдун тун уулу Дастан Садыр уулу 22-августта жол кырсыгына кабылып, 26-августта өзүнө келбей ооруканада үзүлгөн. Анын сөөгү Ысык-Көлдүн Түп районундагы Кең-Суу айылына коюлду.
Жаза аткаруу мамлекеттик кызматы Жапаровго 27-августта уулунун тажыясына барып келүүгө уруксат берген.