БИШКЕК, 22-июн. — Sputnik. Жекшембиде күндүз Ысык-Көл, Нарын облустарынын көпчүлүк аймактарында, Ош, Жалал-Абад, Баткен облустарынын кээ бир тоолуу райондорунда жана тоо этектеринде, Чүй, Талас облустарынын тоолуу райондорунда жаан жаап, күн күркүрөшү, бийик тоолуу райондордо кар жаашы күтүлөт, өрөөндөрдө жаан-чачын болбойт. Бул тууралуу Кыргызгидромет маалымдады.
Батыштан соккон шамалдын ылдамдыгы секундасына 4-9 метрден, кээ бир райондордо 15-20 метрге жетиши мүмкүн.
Маалыматка ылайык, абанын температурасы Чүйдө +26...+31, Талас өрөөнүндө +25…+30 градус, Ош, Жалал-Абад, Баткен облустарында +27…+32, Ысык-Көлдө +17...+22 жана Нарын аймагында +16…+21 градус жылуу болот.
Ал эми Бишкек жана Ош шаарларында түнкүсүн өткүн өтүп күн күркүрөйт, күндүз жаан-чачын болбойт. Күндүн табы Ошто +30...+32, Бишкекте +29…+31 градуска жетери айтылды.