БИШКЕК, 12-апр. — Sputnik. 13-апрелде өлкө аймагы боюнча жаан-чачын күтүлбөйт. Батыштан соккон шамалдын ылдамдыгы секундасына 4-9 метрге жетет. Бул тууралуу Кыргызгидромет билдирди.
Маалым болгондой, Чүй облусунда абанын температурасы +18…+23, Таласта +16…+21 градуска жетет.
Ысык-Көлдө +14…+19, Нарын өрөөнүндө +15…+20 градус жылуу болот.
Ош, Баткен жана Жалал-Абад облустарында абанын температурасы +19…+24 градуска көтөрүлөт.
Ал эми Бишкек жана Ош шаарларында жаан-чачын күтүлбөйт. Батыштан соккон шамалдын ылдамдыгы секундасына 2-7 метрге жетет. Абанын температурасы эки калаада тең +19…+21 градус жылуу болору айтылды.