БИШКЕК, 18-мар. — Sputnik. GM Uzbekistan компаниясы чыгарган автоунаалардын биринчи партиясын Казакстанга экспорттоду. Бул тууралуу Sputnik Өзбекстан агенттиги жазды.
Ага ылайык, автокомпания Nexia R3 моделдеринин тетиктерин Костанай шаарындагы "СариаркаАвтоПром" заводуна алып барат. Ошондой эле R4 үлгүсүндөгү даяр машиналарды "Равон Моторс Қозоғистон" компаниясына жеткирет.
Белгилей кетсек, GM Uzbekistan компаниясы жыл башында автоунааларды Афганистан менен Тажикстанга экспорттогон болчу.
Буга чейин 2018-жылдан тарта Кыргызстанда да Ravon үлгүсүндөгү автоунаалар чыгарылары кабарланган болчу. Бирок ал пландар ишке аша элек.