БИШКЕК, 11-мар. — Sputnik. Бишкек мэриясы "Коопсуз шаар" долбоорунун экинчи этабынын алкагында камера орнотууну аяктап жатат. Бул тууралуу муниципалитеттин маалымат кызматы билдирди.
Ага ылайык, жаңы камералар 9 көчөнүн кесилишинде, эки көпүрөдө болот.
"Иштер 97 пайызга бүткөрүлдү. Эртеңден тарта ал толук даяр болот", — деп айтылат маалыматта.
Экинчи этапта камера коюлган көчөлөрдүн тизмеси:
- Бөкөнбаев — Манас;
- Чүй — Манас;
- Чүй — Павлов;
- Жибек Жолу — Манас;
- Махатма Ганди — Боталиев;
- Жибек Жолу — Курманжан датка;
- Ахунбаев — Байтик баатыр;
- Чүй — Абдрахманов;
- Байтик баатыр — Горький;
- 7-апрель көчөсүндөгү көпүрө;
- Ибраимов көчөсүндөгү көпүрө.
Аталган көчөлөрдүн кесилишиндеги жол чийиндери жаңыланып, тийиштүү жол белгилери орнотулууда.
Ал эми жаңы орнотулган камералар күнү-түнү иштейт. Ошондой эле "Коопсуз шаар" долбоорунун алкагында коюла турчу камералар 4 этап менен орнотулат.
Биринчи этапта орнотулган камералар 12-февралдан тарта иштей баштаган.