БИШКЕК, 22-фев. — Sputnik. Беш-Күңгөй айылында "Коопсуз шаар" долбоорунун көчмө камерасын талкалоого аракет кылган адам милициянын күзөт кызматында иштеген адам болуп чыкты. Бул тууралуу Чүй облустук милициясы кабарлады.
Эскерте кетсек, окуя тууралуу билдирүү 21-февраль күнү кечке маал түшкөн. Беш-Күңгөйгө көчмө камера орнотуп жаткан "Вега Оперейтинг" компаниясынын кызматкерине эки адам келип, эч себепсиз ишине жолтоо болуп, камераны талкалоого аракет кылышкан.
Факт 119-берененин негизинде Бирдиктүү реестрге каттоого алынып, сотко чейинки тергөө иштери башталды. Анын жүрүшүндө кол салган адамдардын бири Бишкектеги милициянын күзөт кызматында иштеген киши болуп чыкканы айтылат.