БИШКЕК, 3-фев. — Sputnik. "Тазалык" ишканасынын кызматкери Жеңиш Касымовдун операциясына акча чогултуу жарманкесинен 71 миң 37 сом түштү. Бул туурасында аталган ведомстводон билдиришти.
Эми донор табылып, операцияны Индиядан жасоо пландалууда. Маалыматта 30 миң доллар каражат керектиги, кесиптештери, боорукер адамдар тарабынан 12 миң доллар чогулгандыгы айтылган. Боорду алмаштыруу чукул убакытты талап кылууда.
"Тазалыктан" Бишкекте кайрымдуу адамдар жашарын, чакан залда өткөн жарманкеге 200гө чукул киши келгенин айтышты.
"Бир күндүк акцияда, бир күндө 71 миң 37 сом чогултулду. Бул деген 1000 доллардан ашык каражат! Бул иш-чарага катышып, салымын кошкондорго ыраазыбыз!" — деп айтылат маалыматта.
Сатыкка коюлган бумдардын акчасы операцияга жумшалмакчы.
Ведомстводон акча чогултуу уланарын билдиришти.
Касымов учурда дарынын жардамы менен жашап келет. Жеңиштин баянын бул жердеги видеодон көрсөңүз болот.