БИШКЕК, 31-окт. — Sputnik. Жогорку Кеңештин депутаты Сайдулла Нышанов Кыргызстанда пенсиянын эң аз жана эң көп көлөмүнө кызыкты.
Депутаттар бүгүнкү жыйында "Кыргыз Республикасында мамлекеттик социалдык камсыздандыруу боюнча пенсиянын топтоо бөлүгүн каржылоо үчүн каражаттарды инвестициялоо жөнүндө" КРдин мыйзамына өзгөртүү киргизүү тууралуу" мыйзамдын долбоорун карады.
Бирок аткаминер Нурдиновдун жообуна канааттанбаган Нышанов ага 500 сомго жетпеген пенсия алган кишилер кайрылып жатканын маалымдады.
Ал эми депутат Экмат Байпакбаев өлкөдө канча пенсионер бар экенин, аларга канча каражат пенсия катары төлөнөрүнө кызыкты.
Нурдинов учурда Кыргызстан боюнча 648 миң пенсионер бар экенин, аларга жылына 50 миллиард сомдун тегерегинде каражат төлөнөрүн билдирди.
Буга чейин октябрь айынан тарта пенсия жогорулай турганы айтылган.