Украинанын Жогорук Радасынын депутаты жана мурдагы саламаттыкты сактоо министри Олег Мусий "Прямий" телеканалынын эфиринде "Украинанын бейтаптары" коомдук уюмунун башчысы Дмитрий Шерембейди алка-жакадан алды. Окуянын видеосу YouTube сайтына жарыяланды.
Коомдук уюмдун өкүлү депутатты коррупцияга айыптап айтыша кеткен, кийин алар бири-бирине кол көтөргөнгө чейин барышкан. Өз кезегинде Мусий оппонентин калпычы жана алдамчы деп атаган.
Ал эми Шерембей депутаттын бетине стакандагы сууну чачып, аны жакадан алган. Бул учурда алып баруучу аларды ажыратканга аракет кылган.