БИШКЕК, 28-сен. — Sputnik. 1,47 миллиондон ашык сириялык качкын өлкө бийлиги тарабынан көрүлгөн чаралардын натыйжасында өз үйлөрүнө кайтты. Бул тууралуу "Известия" басылмасы жазды.
Сириялык качкындарды мекенине кайтаруу боюнча россиялык ведомстволор аралык штабдын өкүлү Евгений Ильиндин айтымында, кайтып келгендердин 1 миллион 234 миңи ички качкындар болсо, 244 миңи чет жактан келишкен.
Ильин ошондой эле, Сириянын өкмөтү башка мамлекеттин көмөгү менен социалдык объектилерди, инфраструктураларды калыбына келтирүү аракеттерин көрүп жатканын кошумчалады.