БИШКЕК, 23-сен. — Sputnik. Бишкектеги №47 абакта жаза өтөп жаткан Жогорку Кеңештин экс-депутаты Өмүрбек Текебаевдин өлүмү тууралуу маалымат жалган. Бул тууралуу Sputnik Кыргызстан агенттигинин кабарчысына "Ата-Мекен" фракциясынын лидери Алмамбет Шыкмаматов билдирди.
Эске салсак, 22-сентябрь күнү кечинде социалдык тармактарга Текебаев абакта көз жумгандыгы жана ал жерде кандайдыр бир чуу чыккандыгы тууралуу маалыматтар тараган.
"Анын баары жалган. Жөн гана фейктердин чыгарганы", — деди Шыкмаматов.
Анын айтымында, депутат аман-эсен, учурда тамактанып жатат. Ошондой эле ал аталган түзөтүү колониясында эч кандай чуу чыкпаганын кошумчалады.
Жогорку Кеңештин экс-депутаты Өмүрбек Текебаев Кылмыш жаза кодексинин коррупция жана алдамчылык беренелери боюнча айыпталып, 8 жылга эркинен ажыратылган.