БИШКЕК, 6-авг. — Sputnik. "Өзбекконцерт" мамлекеттик мекемеси Өзбекстанда той-аштарга ылайыктуу ырлардын тизмесин түзүүгө белсенди. Бул туурасында Sputnik Өзбекстан агенттиги билдирди.
Тизмени түзүүгө жөнөкөй жарандар да катыша алат. Алар өзүнө жаккан жана той-аштарда угууга ылайыктуу деп эсептеген ырларды сунушташат. Мындан улам "Өзбекконцерт" элди өз сунушун почта же телефон аркылуу айтууга чакырат.
Эскерте кетсек, буга чейин "Өзбекконцерт" мамлекеттик ишканасы тойлордо ырчылар ала турган гонорардын өлчөмүн бекиткен.
Буга чейин Өзбекстанданы президенти Шавкат Мирзиёев премьер-министрге, акимдерге жана башка аткаруу бийлигинин өкүлдөрүнө тойго барууга тыюу салган. Ошону менен катар эле чоң тойлорду өткөрүүгө чектөө киргизүү мыйзам долбоору даярдалган. Бирок муну Олий межлистин жогорку палатасынын сенаторлору колдогон эмес.