БИШКЕК, 20-июл. — Sputnik. Кыргызстандык балбандар Айпери Медет кызы менен Мээрим Жуманазарова кыз-келиндер арасындагы күрөш боюнча алтын байге утуп, чемпион аталды. Бул туурасында Бүткүл дүйнөлүк күрөш бирикмесинин расмий сайтында жарыяланды.
Мелдеш ушул тапта Индиянын Нью-Дели шаарында өтүүдө. 17-июлда башталган, 22синде жыйынтыкмалмакчы.
Анда өлкөнүн курама командасынан Мээрим Жуманазарова (68 кг) менен Айпери Медет кызы (76 кг) алтын медалга ээ болду.
Жуманазарова квалификациялык кармашында Кытай Тайбэйинин балбаны Чиа Хсуан Чангды 12:0, чейрек финалда кореялык Хьон Йонг Паркты 8:3, жарым финалда казакстандык Валерия Гончарованы 10:0 эсебинде жеңип финалга өткөн. Чечүүчү кармашта индиялык Дивя Какранды 11:0 эсебинде жеңип чемпион аталды.
Эске сала кетсек, быйыл Бишкекте өткөн чоңдор арасындагы Азия чемпионатында кыз-келиндер арасындагы күрөш түрүндө Кыргызстандын курама командасынан жалгыз Мээрим Жуманазарова байгеге ээ болуп, коло тагынган.