БИШКЕК, 14-июн. — Sputnik. Кыргызстандын Куралдуу күчтөрүнүн Генералдык штабы ЖК депутатынын тик учактар тууралуу айтканы чындыкка дал келбей турганын айтып, билдирүү таратты.
Эскерте кетсек, бүгүн, 14-июнда, Жогорку Кеңеште "Ата Мекен" фракциясынын депутаты Каныбек Иманалиев Кыргызстандын тик учактары "Сомалиде согуш жүргөн жерге жибериле турган болуп жатканын, бул тууралуу кыргыз өкмөтү менен келишим түзүлгөнүн" айткан.
"Эч кандай келишим түзүлгөн эмес. Бир дагы тик учак өлкө аймагынан тыш учкан жок. Авиапарк толугу менен Кыргызстандагы аэродромдордо", — деп айтылат билдирүүдө.
Ошондой эле тик учактар Кыргызстандын коопсуздугун камсыздоо боюнча пландык иштерди аткарып жатканы белгиленген.