БИШКЕК, 3-май. — Sputnik. Бишкектин Октябрь райондук милициясы интернет аркылуу төшөк кызматын көрсөтүп келген 30 студент кызды аныктап чыкты. Бул тууралуу шаардык ИИБ билдирди.
Маалыматка ылайык, милицияга "Д" аттуу бала сайт аркылуу сатылып, киреше тапкан кыздардын катышуусу менен порнографиялык материалдарды даярдап сатып жатканы тууралуу билдирүү түшкөн.
"Аталган студияда веб-модель болуп иштеген кыздар видеочат аркылуу жылаңач эротикалык же порнографиялык шоу көрсөтүп келген. Аларга бардык жабдуусу менен атайын бөлмө бөлүнүп, интернет аркылуу кардарлардын кыялын орундатып турушканы, бул кызматы үчүн акча алганы анык болду", — деп айтылат маалыматта.
Милиция кыздар студияда бир нече смен болуп иштеп, ал үчүн гонорар алып турушканын кошумчалады.
"Натыйжада аталган үй тинтүүгө алынган маалда 28 жаштагы ушул жайдын уюштуруучусу бар болуп чыккан. Андан тышкары, шаардын ЖОЖдорунда окуган 30дай студент кыз аныкталган. Ар бир бөлмөдөн эки орундуу керебеттер, жалпы жонунан веб-камера орнотулган монитору бар 16 компьютер табылды", — дешти милициядан.
Кыздар менен жигит Октябрь РИИБине алып келинген. Тергөө жүрүп жатат.
Буга чейин да интернет аркылуу сойкулук менен алектенген айылдык кыздар аныкталган.