Кытайда аялдын башына "асмандан" ит кулап, ооруканага жаткан. Окуя видеокамералардын бирине түшүп калган.
The Daily Mail басылмасынын жазышынча окуя түштүк Гуандун аймагынын борбору Гуанчжоу шаарында болгон.
Видеодо эки аял үйлөрдүн жанына келгенде алардын биринин башына ит түшкөнүн көрүүгө болот. Аял эсин жоготуп, жыгылган. Ал мойнун кокустатып ооруканага жатканы айтылууда. Ит болсо эч нерсе болбогондой окуя болгон жерден качып кеткен.
Дарыгерлер бейтаптын мээси чайкалып, мойну кокустап калганын аныкташты. Учурда полиция окуянын чоо-жайын иликтеп жатат.