БИШКЕК, 24-апр. — Sputnik. Эркиндик проспектисинин Чүй проспектисинен Киев көчөсүнө чейинки бөлүгүнө жаңы асфальт төшөлүп, парктын ичиндеги тротуарын брусчаткалары алмаштырылды.
Белгилей кетсек, Эркиндик проспектисинин батыш бөлүгү Түгөлбай ата көчөсүнөн Чүй проспектисине чейин оңдоо үчүн жабылган. Шаар бийлиги жол 15-майга чейин оңдолуп бүтөт деп ишендирүүдө. Оңдоо иштерин Кытай компаниясы жасап жатат.
Быйыл 38 чакырым жолду оңдоп, 23 көчөнүн 15и реконструкцияланат. Аны менен кошо арыктар, жолдун четтери, сызыктар жана жол белгилери калыбына келтирилет.
Кайсы көчөлөр оңдоо үчүн жабылганын картадан караңыз.