БИШКЕК, 10-апр. — Sputnik. Президент Сооронбай Жээнбеков башкы прокурор Индира Жолдубаеваны ээлеген кызматынан бошотуу боюнча сунуш киргизди. Бул тууралуу парламенттин маалымат кызматынын жетекчиси Ибраим Нуракун уулу Facebook баракчасына жазды.
Эскерте кетсек, 7-апрель күнү Жогорку Кеңештеги "Ата Мекен" жана "Республика — Ата-Журт" фракциялары Башкы прокуратуранын 2017-жыл ичиндеги жасаган иши боюнча отчетун канааттандырарлык эмес деп тапкан.
Индира Жолдубаева башкы прокурор болуп 2015-жылдын январь айында дайындалган.
Буга чейин Жээнбеков өз Жарлыгы менен УКМКнын жетекчиси Абдил Сегизбаевди да кызматтан алган.