БИШКЕК, 22-мар. — Sputnik. АКШлык окумуштуулар Хатчинсон-Гилфорд синдрому (тери менен ички органдар тездик менен карыйт) менен ооруган балдардын клеткаларынын иштөө механизмин изилдешкен. Бул тууралуу EurekAlart сайты жазып чыкты.
АКШнын Сент-Луис университетинин окумуштуулары киши эрте карып баштаганда клеткалардын бөлүнүп чыгуу процесси бузулуп, иммундук системасы бузулаарын аныкташкан. Мындай процесстин алдын алуу үчүн D витаминин ичсе жакшы жардам берип, клеткаларды кыймылга келтирип, жашартат.
Хатчинсон-Гилфорд синдрому сейрек кездешкен генетикалык оору. Ал гендин мутациясына байланыштуу болуп, 2-3 жаштагы балдарда байкалышы мүмкүн. Анда адамдын булчуңдары алсызданып, тери тездик менен карыйт. Ошондой эле денедеги түк түшүп, сөөктүн чучугу кургап калат.