БИШКЕК, 22-мар. — Sputnik. Бишкекте Щербаков көчөсүнүн бир бөлүгү ремонт иштери үчүн жабылды. Бул тууралуу мэриянын маалымат кызматынан кабарлашты.
Капиталдык курулуш башкармалыгынын маалыматына караганда, 22-марттан тарта аталган көчө Манастан Махатма Ганди көчөсүнө чейинки бөлүгү жабылды.
Ремонт иштеринин жүрүшүндө жолдун бордюрлары, тротуарлар, аялдамалар жана жол белгилери жакшыртылат.
Оңдоо иштерин үстүбүздөгү жылдын 1-юлунда бүткөрүү пландалууда.
Быйыл оңдоло турган Бишкек шаарындагы жолдордун картасын материалдан окуңуздар.