БИШКЕК, 16-мар. — Sputnik. Бишкек — Ош жолундагы "Чычкан" капчыгайына түшкөн кар көчкү тазаланып бүтүп, унаа каттамы толугу менен ачылды. Бул туурасында Транспорт жана жолдор министрлигинин маалымат кызматы кабарлады.
Бирдирмеге караганда, жол саат 17.10до ачылып унаа каттамдарынын өтүүсүнө уруксат берилген.
Белгилей кетсек, 13-мартта түнкү саат 22.40дар чамасында Бишкек — Ош унаа жолунун "Чычкан" капчыгайына (246-чакырымы) жалпы көлөмү болжол менен 2,5 миллион метр куб, анын ичинен унаа жолго 144 миң метр куб кар көчкү түшүп, жол толугу менен жабылган. ӨКМдин билдиргени боюнча түшкөн көчкүнүн узундугу 250 метр, туурасы 200 метр, бийиктиги 50 метрге жетет. Адамдарды басып калган факты жок. Түндүк менен түштүктү бириктирген жолдун бөгөлүп калганына бүгүн кечинде үч сутка болот. Бул аралыкта Бишкек — Ош каттамына авиабилет алууга жеңилдиктер каралып, баасы 3000 сомдон ашпай турган болду.