Жуманазарова чейрек финалда япониялык Мая Хаякаваны утуп, жарым финалда монголиялык Туменцецег Харкуу менен кез келген. Атаандашынан эки упай алдыда келе жатып, кармашка саналуу гана секунддар калганда жеңилип калган.
Коло медаль үчүн кармашта индиялык Дивя Какранды 12:6 эсебинде жер каратып, байгелүү орунга татыды.
Мээрим Жуманазарова — жаштар арасында Азиянын эки жолу коло медаль тагынган (2014-2015) жана бир жолу алтын байгеге ээ болгон (2017). Жаштар арасында дүйнө биринчилинде эки жолу коло байге алган (2016-2017).
Ал арада Жогорку Кеңештин депутаты Таалайбек Масабиров Азия чемпионатында байге алган балбандарга өкмөт сыйлык бериши керек экендигин айтып чыкты.