БИШКЕК, 2-фев. — Sputnik. Ушул ишемби күнү аралаш мушташ боюнча UFC Fight Night 125 турниринде Валентина Шевченко жаңы, 57 килограммга чейинки салмак категориясында күч сынашмакчы.
Мындан тышкары, кыргызстандык Шевченконун UFC октагонуна биринчи ирет чыгып жаткан бразилиялык Присцилла Кечоейранын таймашы да бүйүр кызытаары айтылууда.
Мелдештин алдында Sputnik редакциясы UFC Fight Night 125 турнирин түз алып берчү телеканалдар жана сайттар тууралуу маалымат сунуштайт.
Турнир кайда өтөт?
Иш-чара Бразилиянын түндүгүндө жайгашкан Пата штатынын Белем шаарындагы Guilherme Paraense аренасында тартууланат. Спорттук комплекс 12 миң көрүүчүгө ылайыкташкан.
Беттештер канчада башталат?
Жүгүртмөгө ылайык, болжолдуу беттештер Бишкек убактысы боюнча таңкы саат 5.00гө белгиленген. Алардын артынан саат 7.00дө негизги таймаштар өтөт. Шевченко менен Кечоейранын беттеши болжол менен саат 8.00дөн 9.00гө чейинки аралыкта болот. Убактысы башка беттештердин жүрүшүнөн улам жылып кетүүсү мүмкүн.
Кайсы ТВ жана сайттар көрсөтөт?
Түз алып берүү коммеррциялык негизде болгондуктан КР каналдарынан көрсөтүлбөйт.
— Rostrek.com спорт порталы
— Fighttime.ru порталы
— Cageside.ru сайты
Ал эми спутник телевидениеси аркылуу иш-чараны Американын Fox Sports каналы көрсөтөт.