БИШКЕК, 25-янв. — Sputnik. Өмүрбек Бабановдун ордуна Жогорку Кеңешке депутат болуп келген Абдыбек Дүшалиев ант берди.
Депутат ЖК Абдыбек Дюшалиев
© Фото / пресс-служба ЖК
Ант берүү аземинен кийин спикер Дастанбек Жумабеков жаңы депутатты куттуктап, ишине ийгилик каалады.
Абдыбек Дүшалиев бир нече жыл мурун Мамлекеттик каттоо кызматынын Транспорт жана айдоочулук курамды каттоо департаментинин директору болуп иштегени маалым.
Үстүбүздөгү жылдын 19-январда Боршайком Бабановдун өз ыктыяры менен мандаттан баш тартуу боюнча арызын карап, аны канааттандырган.
Эске салсак, 2017-жылы 4-ноябрда Башкы прокуратура Өмүрбек Бабановго карата Кылмыш жаза кодексинин "Конституциялык түзүмдү күч менен басып алууга чакырык жасоо" жана "Улуттар аралык, расалык же диний кастыкты козутуу" беренелери боюнча кылмыш ишин козгогон.