Путин бизнеске керектүү товарларга бажы төлөмдү алып салууну сунуштады

© Sputnik / Максим Богодвид / Медиабанкка өтүүАэропорттун кызматкерлери коопсуз костюмчан келген товарларды түшүрүп жатышат. Архив
Аэропорттун кызматкерлери коопсуз костюмчан келген товарларды түшүрүп жатышат. Архив - Sputnik Кыргызстан
Жазылуу
Путин зарыл болгон учурда Евразия турукташтыруу жана өнүктүрүү фонду менен Евразия өнүктүрүү банкын тартууга болорун белгиледи.

БИШКЕК, 14-апр. — Sputnik. Россиянын президенти Владимир Путин маанилүү тармактар үчүн керектүү болгон товарларга бажы төлөмүн азайтып же жокко чыгарууну сунуштады.

Белгилей кетсек, бүгүн, 14-апрелде, ЕАЭБге мүчө мамлекеттердин президенттеринин видеоконференциясы өттү.

“Экономикалык жана социалдык багыттарга керектүү материалдарга болгон бажы алымын азайтып же такыр эле жокко чыгаруу керек. Негизи эле эпидемия учурунда көбүрөөк запкы жеген өндүрүштүн экономикалык секторлорун колдоо зарыл”, — деди Путин.

Анын айтымында, айрыкча аба транспорту, туризм, мейманкана бизнеси, көңүл ачуу, коомдук тамактануу жайлары, маданият жана спорт тармактарын колдоо керек.

Рабочая встреча членов ВЕЭС в формате видеоконференции - Sputnik Кыргызстан
Жээнбеков: чектөө чаралары ЕАЭБде "экономикалык обочолонууга" айланбашы керек
Путин Евразия экономикалык комиссиясы тарабынан түзүлгөн координациялык кеңеш ЕАЭБ аймагындагы пандемия кырдаалына онлайн режиминде көз салып турганын кошумчалады. Алар кайсы өлкөгө кандай товар керек болуп жатканын иргешет.

“Зарыл болгон учурда Евразия турукташтыруу жана өнүктүрүү фонду менен Евразия өнүктүрүү банкын тартууга болот”, — деди РФ лидери.

Белгилей кетсек, Евразия турукташтыруу жана өнүктүрүү фондунун уставдык капиталы 8,5 миллиард доллар болсо, Евразия өнүктүрүү банкыныкы 7,5 миллиард доллар.

Жаңылыктар түрмөгү
0