06:58 06 Кулжа 2020
Түз эфир
  • USD74.2343
  • EUR84.1186
  • RUB1.0816

Абжапарова: ипотека алган 200гө чукул кардарга жеңилдик берилди

Радио
Кыскача шилтеме алуу
88 0 0

Мамлекеттик ипотекалык компаниянын төрайымы Элмира Абжапарова ипотекалык насыяны төлөй албай калгандарга кандай көмөк көрсөтүлүп жатканын айтты.

Абжапарова: ипотека алган 200гө чукул кардарга жеңилдик берилди

Коронавируска байланыштуу ипотекалык насыясын төлөй албай калгандарга тийиштүү жардам көрсөтүлүүдө. Бүгүнкү күндө 200гө чукул кардарга жеңилдиктер берилди. Бул тууралуу Элмира Абжапарова Sputnik Кыргызстан радиосуна маек куруп жатып билдирди.

Анын айтымында, учурда Мамлекеттик ипотекалык компания аралыктан кадимкисиндей эле иштеп жатат.

"24-апрелге карата 200гө чукул кардарга жеңилдиктер берилди. Кредитти төлөөдө кыйынчылыкка кабылгандар насыя алган банкына кайрылса, алар ар бир кардардын кайрылуусун индивидуалдуу карап чечим чыгарышат. Банктар менен минималдуу жардам чаралары тууралуу сүйлөшүлгөн. Ага ылайык, жок дегенде үч айга төлөмдөрдүн көлөмүн азайтуу же жылдыруу боюнча жеңилдиктер каралат. Жумушунан бошоп же насыяны төлөй албай калгандар түз эле бизге арыз менен кайрылса болот. Биз алардын кайрылуусун карап, тийиштүү көмөк көрсөтүүгө аракет кылабыз. Белгилей кетүүчү жагдай, ипотекалык насыя алгандардын 96 пайызы бюджеттик тармакта эмгектенгендер. Учурда алардын маянасы үзгүлтүксүз берилүүдө. Ипотекалык насыяны берип жатканда жакындарынын дагы кирешеси эсепке алынат. Эгерде алардын кирешесинен көйгөй жарала турган болсо, биз карап чыгууга даярбыз", — деди Абжапарова.

Ошондой эле ал ипотекалык насыялар сом менен гана берилгендиктен, жарандар валюталык тобокелчиликке туш болбой турганын кошумчалады.

Тема боюнча

Мамлекеттик ипотекалык насыянын пайызы төмөндөй турган болду
Белгилер:
жардам, коронавирус, Мамлекеттик ипотекалык компания

ЭҢ МААНИЛҮҮ