22:35 05 Теке 2020
Түз эфир
  • USD77.1102
  • EUR86.6140
  • RUB1.0938

Сарыбаев: коронавирус мурда жаап-жашырып келген нерселерди ачыктады

Радио
Кыскача шилтеме алуу
121101

Экономика илимдеринин доктору, профессор Айылчы Сарыбаев пандемия дүйнөлүк, анын ичинде Кыргызстандын экономикасы үчүн чоң сыноолордон болуп жатканын айтты.

Сарыбаев: коронавирус мурда жаап-жашырып келген нерселерди ачыктады

Коронавирус экономикага өз таасирин тийгизбей койбойт. Мурда жаап-жашырылгандардын эми ачык айтыла баштаганы абалдын канчалык оор экенинен кабар берет. Мындай пикирин Айылчы Сарыбаев Sputnik Кыргызстан радиосуна маек куруп жатып билдирди.

Анын айтымында, дүйнөдөгү экономикалык абал дагы өз таасирин тийгизиши ыктымал.

"Бардык эле өлкөлөр үчүн чоң сыноо болду. Себеби дүйнөдө 1,5-2 миллиардга чукул адам өтө жарды, тамак-ашка жетпей жашайт. Көптөгөн өлкөлөрдө экономикалык-социалдык жагдай абдан оор. Ал эми Кыргызстандын экономикасы жаңыдан пайда болуп, түптөп келе жаткан өлкөлөрдүн бири. Бизде, тилекке каршы, реалдуу экономика жок. Виртуалдуу экономика деп коет, башкача айтканда, экспортко, кызмат көрсөтүүгө ылайыкташып калган. Айыл чарбасы болсо жаңыдан өнүгүп келе жаткан. Андыктан коронавирус элибизге, экономикабызга таасирин тийгизбей койбойт. Мурда жаап-жашырылып келсе, азыр бюджеттин киреше бөлүгү толбой калуу ыктымалдыгы ачык айтылып, айрым социалдык төлөмдөр төлөнбөй калышы айтылып, ар кандай божомолдор жасалууда. Бул абалдын канчалык татаал экендигинен кабар берет", — деди Сарыбаев.

Экономист ошондой эле өлкөдөгү экономикалык абал стратегиялык өнөктөштөрдөгү жагдайга дагы байланыштуу боло турганын кошумчалады.

Тема боюнча

Доллар менен евро арзандады. Күйүүчү май менен алтындын баасы кандай
АКШ жарандарын алып кетпеген мамлекеттерге санкция киргизиши мүмкүн
Белгилер:
Дүйнө, коронавирус, экономика, Айылчы Сарыбаев

ЭҢ МААНИЛҮҮ