09:48 21 Аяк оона 2019
Түз эфир
  • USD69.8317
  • EUR77.1501
  • RUB1.0937
Бишкек шаарынын мэриясынын жер пайдалануу жана курулуш башкармалыгынын башчысы Талантбек Иманакун уулу
© Sputnik / Асель Акматалиева

Иманакун уулу: "Ата-Түрк" паркында мыйзамсыз курулган үй жок

Радио
Кыскача шилтеме алуу
25601

Бишкек шаарынын мэриясынын жер пайдалануу жана курулуш башкармалыгынын башчысы Талантбек Иманакун уулу "Ата-Түрк" паркынын аймагындагы үйлөр 2006-жылы ошол учурдагы калаа жетекчилигинин токтому менен бөлүнгөн жерлерге курулганын айтты.

"Ата-Түрк" паркынын аймагына 51 там салынган. Алардын баарында Бишкек шаарынын мэриясы менен калаанын Архитектура жана шаар курулуш башкы башкармалыгынын уруксат кагаздарынан тарта кызыл китептерине чейин бар. Бул тууралуу Талантбек Иманакун уулу Sputnik Кыргызстан радиосуна маек куруп жатып билдирди.

Анын айтымында, "Ата-Түрк" паркынын айланасындагы 117 жер тилкеси мыйзамсыз бөлүнгөн, бирок алар сот аркылуу кайра муниципалитеттин карамагына кайтарылды.

"Ата-Түрк" паркынын аймагындагы турак жайлар 2006-жылкы жер бөлүштүрүүнүн натыйжасында салынган. Ал жерлер ошол учурдагы калаа жетекчилиги тарабынан мамлекеттик ишмерлерге берилген. Баарында мэрия менен калаанын Архитектура жана шаар курулуш башкы башкармалыгынын уруксат кагаздарынан тарта кызыл китептерине чейин бар. Бул документтер ал кожолуктардын мыйзамдуу түрдө салынганын тастыктап турат. Аталган маселе боюнча мэрия сотко да кайрылган, бирок иш 51 жер тилкенин кожоюндарынын пайдасына чечилген. Ошол себептен алардын мыйзамсыз салынганын билип турсак дагы чара көрө албайбыз. Ал эми ошол эле жылы Октябрь районунун жетекчилиги тарабынан чыгарылган №412 токтомунун негизинде Малдыбаев көчөсүнөн баштап Түштүк магистралга чейинки аралыкта бөлүнгөн 73 жер тилке сот аркылуу кайра муниципалитеттин балансына кайтарылды. Ошондой эле "Жаштык" спорт комплексинин артынан бөлүнгөн 44 жер тилке мыйзамсыз деп табылган. Учурда ал жактарга бактар отургузулуп, келечекте паркка айландыруу пландары коюлуп жатат", — деди Иманакун уулу.

Ошондой эле ал учурда Бишкек шаарынын вице-мэринин көзөмөлүндө борбор калаада инвентаризация жүргүзүлүп жатканын кошумчалады.

Тема боюнча

Иманакун уулу: Бишкек боюнча 6382 үй мыйзамсыз салынган, теңи түрттүрүлөт
Белгилер:
үй, Ата-Түрк паркы, Бишкек мэриясы, Талантбек Иманакун уулу

ЭҢ МААНИЛҮҮ