22:26 05 Теке 2020
Түз эфир
  • USD77.1102
  • EUR86.6140
  • RUB1.0938

Түлөбердиева: өлкөдөгү инновациялык ачылыштардын деңгээлин жаштар көтөрөт

Радио
Кыскача шилтеме алуу
145 0 0

Кыргызпатенттин Интеллектуалдык менчик мамлекеттик фондусунун бөлүм башчысы Дамира Түлөбердиева аталган мекеме ойлоп табуучулар жана жаратмандарды колдоо максатында түзүлгөндүгүн айтты.

Түлөбердиева: өлкөдөгү инновациялык ачылыштардын деңгээлин жаштар көтөрөт

Балдар борборлорунун ишмердүүлүгү оң жолго салынса, өлкөдөгү инновациялык ачылыштардын потенциалы өсөт. Мындай пикирин Дамира Түлөбердиева Sputnik Кыргызстан радиосуна маек куруп жатып билдирди.

Анын айтымында, фондунун изилдөөсүнө ылайык, өлкө аймагы боюнча балдардын 6,5 гана пайызы техника жаатындагы ийримдерге тартылган.

"Учурда биздин фонду жаш ойлоп табуучу жана жаратмандарга стимул берип, аларга багыт көрсөтүү менен алек. Анткени келечектеги өлкөнүн инновациялык ачылыштарын дал ошолор жасашат. Мындан улам биз республиканын аймагындагы балдар борборлорунун ишмердүүлүгүн жандантып, техникалык ийримдерди ачуудабыз. Буга чейин андай билим берүү жайлары Ош жана Токмок шаарында ишин баштаган. Алардын ишмердүүлүгү жаман эмес. Ошондой эле жаш ойлоп табуучуларды шыктандыруу үчүн биз атайын кароо-сынактарды өткөрүп келүүдөбүз. Ага катышкан жаш жаратмандардын эмгеги мактоого арзырлык. Алар жөнөкөй физикалык кубулуштардан тарта робототехникага чейин мыкты өздөштүрүшүүдө ", — деди Түлөбердиева.

Ошондой эле ал Кыргызпатенттин Интеллектуалдык менчик мамлекеттик фондусу ойлоп табуучуларга жана жаратмандарга материалдык да колдоо көрсөтөрүн кошумчалады.

Тема боюнча

Программист: бир-эки күндө мобилдик тиркеменин прототибин даярдаса болот
Белгилер:
ойлоп табуу, фонд, Кыргызпатент

ЭҢ МААНИЛҮҮ