05:18 17 Аяк оона 2019
Түз эфир
  • USD69.8099
  • EUR77.2028
  • RUB1.0937
Белгилүү ырчы жана обончу Чубак Сатаевдин уулу Кубаныч Сатаев
© Sputnik / Табылды Кадырбеков

Сатаев: атамдын "Түштүк кызы" аттуу ыры алгач башкача аталчу

Радио
Кыскача шилтеме алуу
455 0 0

Белгилүү ырчы жана обончу Чубак Сатаевдин уулу Кубаныч Сатаев "Түштүк кызы" аттуу ырдын сөзү токтогулдук акын Алишер Иметкуловдун калемине таандык экендигин айтты.

Башында "Түштүк кызы" аттуу ыр "Түштүктүк карындашыма" деп аталчу. Бул тууралуу Кубаныч Сатаев Sputnik Кыргызстан радиосунун "Туяк" программасына маек куруп жатып билдирди.

Белгилей кетсек, чыгарылыш белгилүү ырчы жана обончу Чубак Сатаевге арналган.

Кубаныч Сатаевдин айтымында, кийин бул ырды өзү ырдап чыкканда ыр саптарындагы "аке" деген сөздү "ака" деп өзгөртүп алган. Бирок ырдын жаңы варианты жакшы кабыл алынып, эл арасына тез эле жайылып кеткен.

"Бул ырдын үстүнөн атам эки жылдай иштеди. Башталышын шаңдуураак кылыш үчүн атайын чыгыштын мотивдерин да кошту. Сөздөрү болсо "Түштүктүк карындашыма" деген ырдан алыныптыр. Аны атам оңдоп обонго салып, аталышын "Түштүк кызы" деп өзгөрткөн экен. Негизи ырдын сөздөрүн атам бир кичинекей китепчеден таап алган. Буга чейин анын автору түштүктүк акын экен деп айтылып келчү. Сөздөрдүн автору ким экендигин билгениме төрт эле жыл болду. Көрсө, ырдын сөзү токтогулдук акын Алишер Иметкуловдун калемине таандык экен. Бул тууралуу мага акындын кызы байланышка чыгып, айтып берди", — деди Сатаев.

Ошондой эле ырчы атасынын ырлары мураскор катары ага катталгандыгын жана учурдагы автору экендигин кошумчалады.

Тема боюнча

Уулун жоготкон, дипломаттап акча чачкан Чубак Сатаев. Талант тууралуу 9 факты
Белгилер:
чыгарма, ыр, Чубак Сатаев

ЭҢ МААНИЛҮҮ