16:43 21 Жетинин айы 2019
Түз эфир
  • USD69.8500
  • EUR77.4357
  • RUB1.0941
Бишкексууканал муниципалдык ишканасынын жетекчисинин орун басары Мурадин Сейдалиев
© Sputnik / Табылды Кадырбеков

Сейдалиев: полиэтилен суу түтүгү көбү ойлогондой зыяндуу эмес

Радио
Кыскача шилтеме алуу
281 0 0

"Бишкексууканал" муниципалдык ишканасынын жетекчисинин орун басары Мурадин Сейдалиев Бишкек шаарындагы суу түтүктөрүнүн жалпы узундугу 1400 чакырымды түзөрүн маалымдады.

Калаа боюнча жылына 5-7 чакырым суу түтүктөрү алмаштырылат. Бул тууралуу Мурадин Сейдалиев Sputnik Кыргызстан радиосунун "Ачык кеп" программасынын эфиринде маек куруп жатып билдирди.

Анын айтымында, "Бишкексууканал" муниципалдык ишканасына бюджеттен акча бөлүнбөйт жана бардык чыгымдар мекеменин өз акчасынан каржыланат.

"Эң кичинекей суу түтүктөрүнүн диаметри 50, ал эми эң чоңунуку 1400 миллиметрди түзөт. Айрымдарынын эскилиги жеткен. Аларды убагында алмаштырганга аракет кылабыз. Бизге бюджеттен акча бөлүнбөйт. Бардык чыгымды мекеме өзү көтөрөт. Мисалы, 2018-жылы 41 миллион сомго темир суу түтүктөрүн полиэтилен трубаларына алмаштырдык. Жалпысынан 5-7 чакырымды түздү. Полиэтилен түтүгү көбү ойлогондой зыяндуу эмес. Аны өндүрүүдө тийиштүү мекемелер тыкыр көзөмөлгө алышат", — деди Сейдалиев.

Ошондой эле аткаминер полиэтилен суу түтүгүнүн эксплуатациялык мөөнөтү дагы узагыраак экендигин кошумчалады.

Тема боюнча

Кыргызстанда жылына 10 миллиард куб суу дарыялардан алынат
Белгилер:
түтүк, Суу

ЭҢ МААНИЛҮҮ